MGA BATAS UKOL SA PANGANGALAGA NG PINAGKUKUNANG-YAMAN

Republic Act 7586. Kilala rin bilang National Integrated Protected Areas System Act of 1992. Ang batas

na ito ay kumikilala sa kritikal na kahalagahan ng pangangalaga at pagpapanatili sa mga likas na biyolohikal at pisikal na pagkakaibaiba sa kapaligiran.

Republic Act 7942. Kilala rin bilang Philippine Mining Act of 1995. Itinatakda ng batas na ito ang pagkilala sa lahat ng yamang mineral na matatagpuan sa mga lupaing pampubliko at pribado na nasa loob ng hangganan at tanging sonang ekonomiko ng Pilipinas bilang pag-aari ng Estado.

Republic Act 9003. Ecological Solid Waste Management Act of 2003. Ang mga kinauukulan ay nagtakda ng iba’t ibang mga pamamaraan upang makolekta at mapagbukod-bukod ang mga solid waste sa bawa’t barangay.

Republic Act 8749. Philippine Clean Air Act of 1999. Itinataguyod ng Estado ang isang patakaran upang makamit ang balance sa pagitan ng kaunlaran at pangangalaga ng kalikasan. Kinikilala ng Estado ang karapatan ng mga mamamayang makalanghap ng malinis na hangin at magamit nang kasiya-siya ang lakas ng yamang likas.

Presidential Decree 1067. Kilala bilang Water Code of the Philippines ang P.D 1067, Tinutukoy ng batas na ito ang tubig sa karagatan na nasa hurisdiksiyon ng Pilipinas. Pangunahing layunin ng batas na maitatag ang batayan sa konserbasyon ng tubig. Hangarin din na matukoy ang mga karapatan at obligasyon ng mga gumagamit ng tubig gayundin ang proteksiyon ng mga nasabing karapatan.

Republic Act 9147. Wildlife Resources Conservation and Protection Act. Ang batas na ito ay naglalaan para sa konserbasyon at proteksiyon ng maiilap na hayop at ng kanilang tirahan.

·         Konserbasyon at proteksiyon ng maiilap na hayop at kanilang tirahan upang mapaunlad ang ecological balance at ecological diversity.

·         Regulasyon sa pangongolekta at pangangalakal ng maiilap na hayop.

·         Pagsuporta ng mga pag-aaral tungkol sa konserbasyon ng biological diversity.

Batas Pambansa 7838. Department of Energy Act of 1992. Upang makasiguro na patuloy at sapat ang suplay ng enerhiya at makatugon sa pagpapaunlad ng kabuhayan ng bansa, itinatag ang Department of Energy o DOE. Layunin ng kagawarang ito na isaayos, subaybayan, at isakatuparan ang mga plano at programa ng pamahalaan na may kaugnayan sa eksplorasyon, pagpapaunlad, konserbasyon ng enerhiya.