Ang oligopoly ay isang estruktura ng
pamilihan na may maliit na bilang ng bahay-kalakal na nagbebenta ng
magkakatulad o magkakaugnay na produkto. Ang pinakaimportanteng katangian ng oligopoly
ay ang kakayahan ng bawat bahay-kalakal na maimpluwensiyahan ang presyo ng
pamilihan. Halimbawa, ang industriya ng langis sa bansa ay nasa kategorya ng
oligopoly. Pinangungunahan ito ng tatlong malalaking kompanya-ang Petron,
Shell, at Caltex. Bagama’t may mga bagong bahay-kalakal na pumasok sa
industriya tulad ng Fying V, Seaoil, at Unioil, kapansin-pansin na hindi
nagkakalayo ang mga presyo nito.
