Lokasyon ng Asya

Sa pamamagitan ng pagbibigay ng longitude at latitude ng isang lugar, maaring matukoy and lokasyon nito sa mapa. Ang longitude ay mga distansyang angular na natutukoy sa silangan at kanluran ng Prime Meridian. Ito rin ay malalaking bilog o great circles na tumatahak mula sa North pole patungong south Pole. Ang Prime Meridian na nasa Greenwich England ay itinalaga bilang zero degree longitude.

Ang mga latitude ay distansyang angular na natutukoy sa hilaga o timog ng equator o ekwador. Ang equator ay humahati sa globo sa hilaga at timog hemisphere o hemispero. Ito rin ay itinakda bilang zero degree latitude.

Ang lupain ng Asya ay umaabot mula sa Arctic hanggang lampas ng equator. Wala nang iba pang kontinente and may ganitong uri ng lokasyon. Ang tiyak na lokasyon ng Asya ay nasa humigit kumulang 10o South hanggang 90o North latitude at mula naman 11o hanggang 175o East longitude at hanggang 164o longitude at hanggang 85o latitude.



Batay sa tradisyon, ang hangganan ng Asya sa hilaga ay mula sa paanan ng Ural Mountains, ang tradisyonal na hangganan ng Europa at Asya, sa baybay-dagat ng Kara Sea sa hilaga ng Siberian, Russia hanggang sa Bering Strait; mula sa Bering Strait tutungo patimog hanggang sa Pacific Ocean, madaraanan ang mga kapuluan ng Japan, Taiwan, hanggang hilaga ng Pilipinas; mula sa hilaga ng Pilipinas tutungo sa Timor Sea; mula rito pakanluran tungo sa Indian Ocean at Arabian Sea, babagtasin ang Red Sea patungo sa hilaga hanggang sa Mediterranean Sea; daraanan and baybayin ng Asia Minor sa bandang Aegean Sea, daraanan ang Caucasus Mountains tungo sa Caspian Sea; at mula sa Caspian Sea tungo sa Ural River pabalik sa Ural Mountains ay bumabagtas mula hilagang kanluran papuntang timog kanluran ng Russia.